அனுபவ முத்திரைகள்: திவ்வியபிரபந்தம்

அனுபவ முத்திரைகள்: திவ்வியபிரபந்தம்: கண்ணனை மாயன் றன்னை கடல்கடைந்து அமுதம் கொண்ட அண்ணலை அச்சு தனை அனந்தனை அனந்தன் தன்மேல் நண்ணிநன்கு உறைகின் றானை ... ஞாலம்உண்டு உமிழ்ந்த ...

திவ்வியபிரபந்தம்

கண்ணனை மாயன் றன்னை
கடல்கடைந்து அமுதம் கொண்ட
அண்ணலை அச்சு தனை
அனந்தனை அனந்தன் தன்மேல்
நண்ணிநன்கு உறைகின் றானை
... ஞாலம்உண்டு உமிழ்ந்த மாலை
எண்ணுமாறு அறிய மாட்டேன்
யாவையும் எவரும் தானே

.........நம்மாழ்வார்

விந்தைகள் பல காட்டும் மாயக்கண்ணனை, திருப்பாற்கடலைக்
கடைந்து அமிழ்தெடுத்தவனை, அழியாநிலையாய் ஆதிசேஷன் மீது சயனித்து இருப்பவனை,பிரளயம் காலத்தே உலகம் முழுவதையும்
உள்வாங்கி பின்னர் படைக்கும் காலத்து வெளிவிடுபவனாகிய நெடுமாலை எப்படியெல்லாமும் ஏற்றி பாடலாம் எனும் வகை தெரிகிலேன்..என் செய்வேன். காரணம் காணும் பொருள் யாவிலும்,எந்த உயிரிலும் உட்புகுந்து செயல்படுகிறவன் அவனே அல்லவா.. ..!

கோதைதனபாலன் 

மாணிக்கவாசகர்

அன்றே என்றன் ஆவியும்
உடலும் உடைமை எல்லாமும்
குன்றே அனையாய் என்னைஆட்
கொண்ட போதே கொண்டிலையோ
இன்றோர் இடையூறு எனக்குண்டோ
எண்தோள் முககண் எம்மானே
நன்றே செய்வாய் பிழைசெய்வாய்
நானோ இதற்கு நாயகமே

.........மாணிக்கவாசகர்
...
உடலும் உயிரும் இறைவன் சிந்தனைக்கே என்றுணர்ந்து அவனை
நம் பக்தியில் திளைக்க வைத்து அவனும் நம்மை ஆட்கொண்ட பிறகு நமக்கு ஏற்படும் இன்பதுன்பங்களுக்கு அவனே பொறுப்பன்றி நாமில்லை. இது மழலை பருவம் தன் பெற்றவரின் அடைக்கலத்திற்கு ஒப்பாகும்.

அனுபவ முத்திரைகள்: திருவருட்பா அகவல்

அனுபவ முத்திரைகள்: திருவருட்பா அகவல்: சித்தமும் வாக்குஞ் செல்லாப் பெருநிலை ஒத்துற வேற்றிய வொருசிவ பதியே கையற வனைத்துங் கடிந்தெனைத் தேற்றி வையமேல் வைத்த மாசிவ பதியே இன்புறச...

திருவருட்பா அகவல்

சித்தமும் வாக்குஞ் செல்லாப் பெருநிலை
ஒத்துற வேற்றிய வொருசிவ பதியே

கையற வனைத்துங் கடிந்தெனைத் தேற்றி
வையமேல் வைத்த மாசிவ பதியே

இன்புறச் சிறியே ணெண்ணுதோ றெண்ணுதோ
 றன்போடென் கண்ணுறு மருட்சிவ பதியே

பிழையெல்லாம் பொருத்தெனுட் பிறங்கிய கருணை
மழையெலாம் பொழிந்து வளர்சிவ பதியே

உளத்தினுங் கண்ணினு முயிரினு மெனது
குளத்தினு நிரம்பிய குருசிவ பதியே
   
 

....... இராமலிங்க அடிகளார்.

 

சிறியேனாகியா  யான் இன்புறுகிறேன் என்றோ,  இன்புற்றே இருக்க வேண்டுமென்றோ அன்போடு கண்போல் எம்மை காக்கும் அருட்பெருஞ் சிவநிலையே.. !!
செய்த பிழை யாவும் பொறுத்து என்னுள் கருணையையே      மழையாக  இறங்கச் செய்து ,அது அழகுடன் பெருகி வளரச் 
செய்யும்  சிவநிலையே.. !!
யான் கொண்டிருக்கும் உள்ளத்தினும் மேலாக, பார்வை அறியும் கண்களினும் மேலாக, ஓம்புகின்ற உயிரினும் மேலாக குளமான எனது உடலில் எங்கணும் நீயே நிரம்பியிருக்கிறாய் 
எம்குருவான  சிவநிலையே.. !!


கோதைதனபாலன் 

அனுபவ முத்திரைகள்: கண்ணனுக்கு ஒரு வெண்பா.

அனுபவ முத்திரைகள்: கண்ணனுக்கு ஒரு வெண்பா.: அந்தநாளும் ஆயர்பாடியின் நன்னாளாய் என்றுமேயானதோ பலராமனும் உன்பவ்யமாய்பொருஞ் சோலைமலை கண்ணுற்றானே கோகுலமே தொடர்வதாய் இன்புறவான்உலகு விட்டொழ...

கண்ணனுக்கு ஒரு வெண்பா.

அந்தநாளும் ஆயர்பாடியின் நன்னாளாய் என்றுமேயானதோ

பலராமனும் உன்பவ்யமாய்பொருஞ் சோலைமலை கண்ணுற்றானே

கோகுலமே தொடர்வதாய் இன்புறவான்உலகு விட்டொழிந்தாயோ

உன்னையினி விடவும்கூடுமோ மாயக்கள்ளனே மனங்கவர்செல்வமே !



....கோதைதனபாலன்.