பெரியாழ்வார்

மாணிக்கம் கட்டி வைரம் இடை கட்டி 

ஆணிப் பொன்னால் செய்த வண்ண சிறுதொட்டில்

பேணி உனக்குப் பிரமன் விடு தந்தான் 

மாணிக் குறளனே தாலேலோ 

வையமளந்தானே தாலேலோ 

.....பெரியாழ்வார்  

பெரியாழ்வார் கண்ணனின் மீதுள்ள பக்தியை தான் பெற்ற குழந்தையாக கருதி அதை போற்றி ,சீராட்டி வளர்த்து தளிர் நடை பயின்று திருமாலை கண்ட முகமாய் தாலாட்டாக சில பாசுரங்கள் பாடியுள்ளார். இதில் அவர் , '  மாணிக்கக் கற்களால் அலங்கரிக்கப்பட்டு ,இடையிடையே வைரங்கள் பதிக்கப்பட்ட பிரமன் அனுப்பிய அழகு தொட்டிலில் துயில் கொண்டு வளர்பவனே ,சிறுவனாய் வளர்ந்து ,வாமனனாய் மூவுலகம் அளக்கப் பிறந்தவனே ,இந்த வையம் அளந்தவனே கண்ணுறங்குதியோ  தாலேலோ ...!'என்று விளிக்கிறார்.





கோதைதனபாலன்.

பெரியாழ்வார்

பொன்னைக் கொண்டு உரைகல் மீதே
         நிறமெழ  உரைத்தாற்போல்
உன்னைக் கொண்டு என் நாவகம்பால்
        மாற்றின்றி உரைத்துக்கொண்டேன்
உன்னைக் கொண்டு என்னுள் வைத்தேன்
       என்னையும் உன்னில் இட்டேன்
என்னப்பா என் இருடீகேசா
     என்னுயிர்    காவலனே. 

    ...பெரியாழ்வார் பாசுரம்                                                     .

உரை  கல்  ஒன்றின் மீது தங்கத்தை உரசி அதன் சுடர் விடும் நிறம் பார்த்து அதன் மதிப்பை போற்றுவர். இது போலவே கார்மேக வண்ணனே ! உன் நாமங்களை என் நாவில்  எஞ்ஞான்றும் சொல்லி சொல்லி நனி உயர்வாக்கி, உள்ளத்தே செலுத்தி எனது சித்தத்தை உனக்கே சீராக்கினேன். என் உயிர் காப்பவனே ! உன்னுள் என் சித்தம் கிடப்பது உண்மை போல் நீயும் என்னுள் கிடப்பதும் உண்மையே ,


கோதைதனபாலன்.

அனுபவ முத்திரைகள்: சிவன் போற்றுதல்

அனுபவ முத்திரைகள்: சிவன் போற்றுதல்: தன்னை அறிந்திடும் தத்துவ ஞானிகள் முன்னை வினையின் முடிச்சை அவிழ்ப்பார்கள் பின்னை வினையைப் பிடித்து பிசைபவர்கள் சென்னியில் வைத்த சிவனரு ளாலே ...

சிவன் போற்றுதல்

தன்னை அறிந்திடும் தத்துவ ஞானிகள்
முன்னை வினையின் முடிச்சை அவிழ்ப்பார்கள்
பின்னை வினையைப் பிடித்து பிசைபவர்கள் 
சென்னியில் வைத்த சிவனரு ளாலே 
.......திருமந்திரம்.



ஐம்புலன்களையும் வென்ற ஞானிகள் தங்கள் முன் வினையினால் வந்த பலன்களை களைந்து சிவனடி போற்றி விலகாது நிற்கும் நிலை எய்துவர். சராசரி மனிதன் சுபாவங்கள், மழை நீர் பெருக்கெடுத்து ஓடும் நீரோடை போன்றது. அவரவர் திசைதிருப்பி பலனடைய ஏதுவான ஒன்றே. எனவே தாங்கள் தங்களிடம், தங்களை சுற்றி குவிந்திருக்கும் சிற்றியல்புகளில் நாட்டம் கொள்ளாது நீரோடை போன்ற தங்கள் மனவோட்டத்தை ஈசன் பால் திருப்பி அவன் சிந்தை அகலாது இருத்தலே தங்கள் வினை தீர்க்கும் மார்க்கம் என அறிதல் வேண்டும்.




கோதைதனபாலன்

அனுபவ முத்திரைகள்: வள்ளலார்

அனுபவ முத்திரைகள்: வள்ளலார்: அருளமு தெனக்கே யளித்தெரு ணெறிவாய்த் தெருளுற வளர்க்குஞ் சிவமே சிவமே சத்தெலா மாகியுந் தானொரு தானாஞ் சித்தெலாம் வல்லதோர் திருவருட் சிவமே ...

வள்ளலார்

அருளமு தெனக்கே யளித்தெரு ணெறிவாய்த்
தெருளுற வளர்க்குஞ் சிவமே சிவமே

சத்தெலா மாகியுந் தானொரு தானாஞ்
சித்தெலாம் வல்லதோர் திருவருட் சிவமே
எங்கே கருணை யியற்கையி னுள்ளன
அங்கே விளங்கிய அருட்பெருஞ் சிவமே

யாரே யென்னினு மிரங்கு கின்றாற்கு
சீரே யளிக்குஞ் சிதம்பர சிவமே

பொய்ந்நெறி யனைத்தினும் புகுத்தா தெனையருட்
செந்நெறி செலுத்திய சிற்சபைச் சிவமே

கொல்லா நெறியே குருவரு நெறியெனப்
பல்கா லெனக்குப் பகர்ந்தமெய்ச் சிவமே

உயிரெல்லாம் பொதுவி னுளம்பட நோக்குக
செயிரெல்லாம் விடுகெனச் செப்பிய சிவமே..

.... ராமலிங்க அடிகளார்

நினது அமுதமான அருளை எனக்கீந்து என்னுள் நன்னெறி தன்னை வளர்க்கும் சிவமே !எனது உடலில் இயங்கும் சக்தியில் எல்லாமும்,எனது சித்தமெல்லாமும் நீயும் ஒரு அங்கத்தோடு அங்கமாயென்னை யாண்டு வருகிறாய். இயற்கையின் படைப்பில் ,எல்லா உயிரில் கருணை எங்கெல்லாம்,எப்படியெல்லாம் வெளிப்படுகிறதோ அங்கெல்லாமும் நீயே வியாபித்திருக்கிறாய். எத்தகையவர் ஆயினும் அவர்தம் மீது இரங்கும் மனதினருக்கு எல்லாச் சிறப்பும் ,செல்வமும் சிதம்பரத்தில் உறையும் சிவமே நீ அளிக்கிறாய்.
பொய்மையான , மாயம் நிறைந்த பாதையில் என் மனம் போகா வண்ணம் என்னுள் புகுந்து நன்னெறியில் என்னை செலுத்தும் சிற்சபை கொலுவிருக்கும் சிவமே...
உயிர் வதை செய்யாதிருப்பதே குரு போற்றும் அருள்நெறி என்று பலகாலும் உணர்த்தும் மெய்ப்பொருளே.. இதனால் எல்லா உயிர்களையும் மனதார ஒன்று போல் பார்க்கும் மனத் திண்மையை பெறவைத்து யாவருக்கும் அதை எடுத்துச் சொல்லுதல் முறையே எனக் கூறும் சிவமே... 

என்றெல்லாம் சொல்லி வருகிறார்.. இது 
‘அருட்பெருஞ்சோதி அகவல்’




 கோதைதனபாலன்

அனுபவ முத்திரைகள்: திருமூலர் திருமந்திரம்

அனுபவ முத்திரைகள்: திருமூலர் திருமந்திரம்: நடுவுநின் றார்க்கன்றி ஞானமும் இல்லை நடுவுநின் றார்க்கு நரகமும் இல்லை நடுவுநின் றார்நல்ல தேவரும் ஆவர் நடுவுநின் றார்வழி நானும் நின் றேனே ....