சித்தர் பாடல்

நல்லவர் தம்மைத் தள்ளாதே - அறம்
நாலெட்டில் ஒன்றேனும் நாடித் தள்ளாதே
பொல்லாங்கில் ஒன்றும் கொள்ளாதே- கெட்ட
பொய்ம் மொழி கோள்கள் பொருந்த விள்ளாதே.

........கடுவெளிச் சித்தர்


நல்லவர் உறவை தள்ளுதல் கூடாது.
நாலெட்டு ஆக முப்பத்திரண்டு அறங்களில்
ஒன்றினையும் தள்ளாது அனைத்தும் செய்திடல் வேண்டும்.
பிறர்க்கு தீங்கு தரும் செயல்கள் செய்தல் ஆகாது.
ஒருவருக்கொருவர் பகை போடுமளவு கோள் சொல்லும்
செய்கை எப்பொழுதும் கூடாது.