WHO ELSE ARE FOOL... - All types of Poetry

WHO ELSE ARE FOOL... - All types of Poetry

WHO ELSE ARE FOOL... - All types of Poetry

WHO ELSE ARE FOOL... - All types of Poetry

அனுபவ முத்திரைகள்: உத்திரகோச மங்கை ஆருத்ரா தரிசனம்

அனுபவ முத்திரைகள்: உத்திரகோச மங்கை ஆருத்ரா தரிசனம்: உத்திரகோசமங்கை ஆ திசிதம்பரனார் அலங்காரத்தில் உத்திரகோச மங்கை ஆருத்ரா தரிசனம் காணும் நினைவு மனதில் பல வருடங்கள் புதைந்து க...

உத்திரகோச மங்கை ஆருத்ரா தரிசனம்

 உத்திரகோசமங்கை 

  ஆதிசிதம்பரனார்  

 அலங்காரத்தில் 

உத்திரகோச மங்கை ஆருத்ரா தரிசனம் காணும் நினைவு மனதில் பல வருடங்கள் புதைந்து கிடந்தது கடந்த வாரம் இதே தினம் சனிக்கிழமை இரவு  நிறைவேறியது.எனது சக தோழியருடன் சிறப்பு ஏற்பாடு முன்னதாக செய்துவிட்டு காரைக்குடி சுற்றியுள்ள கோயில்கள் தரிசனம் முடித்து இரவு 12 மணிக்கு உத்திரகோச மங்கை அடைந்தோம்.இக்கோயில் ராமநாதபுரம் சமீபமாக வலதுபுறம் சுமார் 9 கிமீ தூரத்தில்  வரும் . இது ஒரு தனித்த சிறு கிராமம்,சுற்றிலும் பொட்டல் நிலங்களே அதிகம். இது ராமநாதபுர    சமஸ்தானத்தின் கட்டுப்பாட்டில் உள்ளது. வழிபாடு திருவாவடு துறை ஆதீனம் கையில்.
இது ஆதி சிதம்பரனார் கோயில். ஆகாயம் மகிமை சொல்லும் சிவன் எழுந்தருளியுள்ளார் . இங்குள்ள நடராஜர் சிலை மரகதக் கல்லால் செய்யப்பட்டது. வருடம் பூராவும் சந்தனக் காப்பில் இருக்கும். மார்கழி திருவாதிரை நட்சத்திரமன்று சுமார் இருபதுக்கும் மேலான அபிஷேகம் நடைபெறும். தயிர், மாவு அபிஷேகம் போது கயிலாயநாதனை பார்க்கும் உணர்வே மேலோங்குகிறது. மற்றைய நாளிலோ ,மாதத்திலோ இவை கிடையாது. அபிஷேகம் முடித்து அலங்காரம் செய்வர். இதைக் காணவே பெருந்திரளான கூட்டம் அலைமோதுகிறது. நாங்கள் இடிபாட்டுடன் சிறப்பினராகவே உள நுழைந்த போதும்  அமர்ந்தநிலையில் அபிஷேகம் பல கண்டபிறகு, சற்று முன்னேறி உள்ளே சந்நிதியில் நின்றவாறே அலங்காரம் ,தீபாரதனை காணுமுன்....சிவ நாமங்கள் பல சொல்லியும் , பலர் சொல்லக்கேட்டும் இருந்த நிலையை எண்ணும்போது,கால்நரம்புகள்,சதைகள்  ரத்தம் சுண்டியதுபோன்ற உணர்வுடன் வலிமை குறைந்த நிலையில், 'தென்னாடுடைய சிவனே போற்றி'என்ற அந்த சிவன் நாமமே நாவில் வென்று நின்றது. எங்கும் எதிரொலித்தது. ஆமாம் பற்றறுத்து வந்து நிற்பவரைத்தானே சிவன் மகிழ்வுடன் ஏற்கிறான்...என்று நாயன்மார்கள் சொல்லி பாடுவது உணர்ந்தேன்..மனம் நெகிழ்ந்தேன்...
 இது சமயமே ராமநாதபுரம் ராணி, வீட்டார் உள்நுழைகின்றனர். இதற்குள் உற்சவருக்கு அபிஷேகமும் ,அலங்காரமும் முடிகிறது. தீபார்த் தனைக்கு முன்னதாக முறையே பசுமாடு அழைத்து வரப்பட்டு அதற்கு வஸ்திரம் .பூமாலை சார்த்தப்பட்டு தீபம் காட்டி ,திரைசீலை சற்று பாதம் மட்டுமே தெரியும் படியாக விலக்கி அதற்கு காட் டப்படுகிறது.பின்னர் இதுபோன்றே வரிசையாக சிறுவன் ஒருவன்,சிறுமி ஒருத்தி,அர்ச்சகரில் ஒருவர் பின்னர் இறுதியாக ராணி அம்மையாருக்கு காட்டப்பட்ட பிறகே தீபாரதனை வெகு சிறப்பாக  காட்டப்பட ஆருத்ரா தரிசனம் முழுமை அடைகிறது.  மரகத நடராஜர் ,பொன்னிற உடலில் புலித்தோ லொத்த உடையை அரைக்கிசைத்து காட்சி தருதல் கண்கொள்ளா காட்சி. 
வெளி மண்டபத்தில் நடராஜர் வெண்மை கோலத்தில் பார்வதி சம்மேளராய்  காட்சியளிக்கிறார்.
மரகதநடராஜர் அலங்காரம் காலை சிலமணி நேரங்களே இருக்கும். பிறகு மறுபடியும் சந்தனக் காப்பிட்டு நடை மூடுவர், மறுபடியும் அடுத்த வருடமே இந்த வழிபாடு .

  
கோதைதனபாலன் 








 

சீரடி சாய் பாபா

பொதுவாக எனக்கு துறவிகள் செயல்பாடுகள் மீது அவ்வளவாக ஈடுபாடு இராது.சித்தர்கள் மீது ஒரு தனி அபிமானம் உண்டு. அந்த வரிசையில் ரமணர்,வள்ளலார் இந்த இருவர் மீதிலும் பக்தி கலந்த மரியாதை இருக்கும். இப்படி நான் பேசுவதால் இறைவன் என்ற ஒரு மாபெரும் சக்தியை நம்பாதவள் என்ற அர்த்தம் கிடையாது.தெய்வங்களை வணங்க பிரியப்படுபவள்.சன்னதியில் நின்றால் என்ன வேண்டலாம் என்று குழம்புவேன் .மொத்தத்தில் 'எல்லோரையும் நன்றாக வை.உன்னை அன்றி எதுவும் நிகழாது .எங்களுக்கு எது நல்லது என்று   நீயே மனம் கோணாது தெரிவு செய்...'....மனசுக்குள் சொல்லிவிட்டு வந்து விடுவேன்.  எப்படி பட்ட கஷ்டத்திலும் இதே வேண்டுதல் தான் அவன் முன் வைப்பேன்.
இப்படி இருக்கையில் சத்யா சாய்பாபா பற்றி கேள்விப்படும்போது அவர் புட்டபர்த்தியில்  ஏற்படுத்திய இலவச மருத்துவம் மனதை கவர்ந்தது.புத்தகங்களும் படித்து பார்த்தேன். பின் மெதுவாக சிலர் சீரடி சாய்பாபாவை பற்றி பேசுவது அடிக்கடி என் கவனத்தை ஈர்த்தது. மதுரையிலும் அவருக்கு கோயில் எழுப்பி உள்ளதை அறிய நேர்ந்தது.போனவாரமும் சென்றுவந்தேன் . அதற்கு  பின்னரே இதை எழுதுகிறேன்.
அவரை தரிசித்து ,அங்குள்ள வாசகங்களை படித்தேன்.முருக தெய்வம் சொல்வது போல் 'யாமிருக்க பயமேன்' என்றிருந்தது, பின்னர் இருபக்கத்திலும்
'நம்பிக்கை'....' பொறுமை' வார்த்தைகள் எழுதப்பட்டிருந்தன. உண்மைதானே..நம்பிக்கை மட்டும் நாம் வைத்தல் போதுமானதல்ல....
 கைகூடும் காலம் வரை பொறுமை கைப்பிடித்தல் அவசியம் அன்றோ? பொறுத்தார் பூமியாள்வாரன்றோ?
பிறகு சுற்று பிரகாரம் வருகையில் ஒரு அடுக்கில் தீமூட்டி எரிந்து கொண்டிருந்தது. அதன் விளக்கம் ‘இங்கே உன் பாவங்கள் பொசுக்கப்படுகின்றன, அந்த சாம்பலே உனக்கு பிரசாதமாய் திரு நீறாய் அளிக்கப்படுகிறது’...இந்த உண்மை புரிந்து கொள்ளக்கூடியதே. சைவசித் தாந்தம் இதைத்தானே சொல்கிறது. மேலும் தொடர்ந்து படித்த ஒரு வாசகம் என்னை சற்று நேரம் சிந்திக்க வைத்துவிட்டது.
‘  நீ எப்பொழுது அழைத்தாலும் உன்னை இறைவனிடம் சேர்க்க வழித்துணையாய் நான் வருவேன்,மறைந்தேன் என எண்ண வேண்டாம்’
இதுகா றும் இப்படி எந்த ஞானியும் சொன்னதாக நான் அறிந்ததில்லை. ஏதோ ஒன்று என் மனதில் ஆழமாய் புரியதலைப்பட்டது. மனிதனோடுமனிதனாகவே
  நம்மை இறைவனிடம் அழைத்து செல்லக்கூடிய உயரிய சக்தி அவருள் எந்தக்காலமும் உதயமான வண்ணமே இருக்கும் என்பதுதான் அது. மனம் நெகிழ்வுற்றது. வள்ளலார்,'அன்பேசிவம்’ என்று கூறி,தீ என்றும் அணையாது மூட்டப்பட்டு அனைவரது பசி தீர்க்கும்  வழிவகை செய்தார்.
 இவர் இறைவனை மறவாதிருக்கும் வழி காண்பிக்கிறார்..   நன்றி பெருக்குடன் இதை எழுதிவிட்டேன்....



 கோதைதனபாலன்

அனுபவ முத்திரைகள்: பெருமாள் சங்கதி

அனுபவ முத்திரைகள்: பெருமாள் சங்கதி: மதுரையில் சித்திரை திருவிழா வைபவம் யாவரும் அறிந்ததே .இதில் ஒரு விசேஷம் என்ன வென்றால் ராமநாதபுற மாவட்டத்திலிருந்தும் தங்கள் விளைச்சலை சுமந்து...

பெருமாள் சங்கதி

மதுரையில் சித்திரை திருவிழா வைபவம் யாவரும் அறிந்ததே .இதில் ஒரு விசேஷம் என்ன வென்றால் ராமநாதபுற மாவட்டத்திலிருந்தும் தங்கள் விளைச்சலை சுமந்து எடுத்து வந்து அழகருக்கு காணிக்கையாக்கி நாலு நாள் இருந்து செல்வர். சர்க்கரை வைத்து சொம்பில் தாங்களே தீபம் காட்டி வணங் குவாரும் உண்டு.  நீர் பாய்ச்சி வழி நெடுக ,வேஷம் பல புனைந்து ஆடிச்செல்வாரும் உண்டு. வர்ணிப்பு பாடல்கள் பல தலைமுறையாய் பாடி போற்றி வணங்குவர்  பலர்.ஊருக்குள் சாமீ பவனி வருகையில் மண்டபபடி வைத்து மரியாதை பெற்று அன்ன மிடுவர் பலர்.ஊருக்கு வெளியில் சிற்சில இடங்களில் சாமீ தரிசனம் செய்துஅன்னதானம் பன்னுவாரும் உண்டு.இத்தனைக்கும் இடையே பெரிய பெரிய உண்டியல்கள் வரிசையாக வந்து செல்லும்.இதில் விழும் காணிக்கைகள் அனைத்தும் அந்த அழகனையே சேரும். இவை யாவும் வைகையின் வடகரையில் நடக்கும் நிகழ்வுகள்.

தரிசனம் செய்வோர் எல்லோரும் அந்த உண்டியலில் பிரத்யேகமாக காசு காணிக்கை அளிப்பார்.நானும் ஊருக்கு வந்த புதிதில் இவையெல்லாம் புதிய பார்வையில் புரிந்து மனமகிழ்ச்சிஅடைவேன்.உண்டியலில் காணிக்கை செலுத்தும்போது வீட்டார் நாலனாவோ எட்டனாவோதான் கொடுப்பார். கூடுதலாகத்தான் போட்டால் என்ன, வருடம் ஒருமுறைதானே திருவிழா என்று அவர்களிடம் அங்கலாயிப்பேன் .இப்படியே சில வருடங்கள் ஓடியது.  வெளியூர் வாசம் புரிந்து மறுபடியும் ஊர் வந்து சேர்ந்தேன்.அன்று அதே திருவிவிழா .மனம் பிரகாசத்துடன் அழகனை தரிசிக்க செல்கிறேன். இந்த தடவை நான் யாரிடமும் வாங்கி செலவழிக்க வேண்டியதில்லை .நம் விருப்பம் போல் காணிக்கை செலுத்தவே என் மனம் மேலோங்கி நின்றது.அழகரும் வந்தார். நல்ல அருமையான தரிசனம்.பிரசாதங்கள் விரும்பியபடி கிடைத்தது.அனைவர் மனதும் குளிர்ந்தது என்றால் மிகையாகாது. காணிக்கை செலுத்த ஐம்பது ரூபாய் எடுத்துக் கொண்டு வண்டி அருகே செல்ல யத்தனிக்கிறேன்..அந்தோ எங்கேயும் அந்த வண்டி கண்ணில் படவே இல்லை.வரிசை வரிசையாய் நின்று நிதானித்து வரும் வண்டிகள் வந்திருந்தன...ஆனால் என் கண்ணில் ஒருமணி நேரம் தேடியும்..........படவே இல்லை. மனம் நொந்தேனே ஒழிய காணிக்கை செலுத்த முடியாது வாளாவிருந்தேன்.......மாயன் செய்த லீலைதான்...இது.   வீடு திரும்பிய என் மனதில் பரவசம் மறைந்து....குழப்பமான வேதனையே எஞ்சியிருந்தது.

விடுவேனா......எங்களது பூஜை அறையில் உண்டியலில் அவனது காணிக்கையாக செலுத்திவிட்டேன்.   அதுசமயம் தான் ஒரு விஷயம் விளங்கியது. நாம் இனிமேல் குறிப்பாக இந்த பெருமாளை தரிசிக்கும் போது 

நான் ஒரு பிச்சைக்காரி என்ற நினைவிலேதான் இருக்க வேண்டும். மாறி அதை செய்வோம் இதை செய்வோம் என்று குறிப்பாக இறுமாப்பில் இருந்தால் அவன் அதை ஏற்றுகொள்ள மாட்டான்.நான் இறுமாப்பில் செய்யாவிட்டாலும் ,நம்மை தரிசனம் பண்ண வைப்பதே அவன் மனம் வைத்தால்தான் உண்டு என்று புரிந்து கொண்டு ஒரு பயம் கலந்த பக்தியையே அவனிடம் செலுத்தி வருகிறேன். இறுதியில் இதுதான், தான் என்ற அகந்தையை என்னுள் படிய விடாமல் செய்துவிட்டது என்ற உண்மை புரிய என்னுள் நிரந்தர பரவசத்துடன் அந்த அழகனை வணங்கிச் செல்கிறேன். 

கோதைதனபாலன்